Жуналист, публицист Хозиты Петры чиныг “Рæзхæссæн”-ы презентаци ацыд Дзæуджыхъæуы. Чиныг фыст у уырыссаг æмæ ирон æвзæгтыл.
Æмбырдгондмæ бацыдысты журналисты Хуссар Ирыстоны националон-сæрибаргæнæг змæлды историйы тыххæй статьятæ. Автор аххæсыд экономикæ, политикæ, æхсæнады къабæзтæ, республикæйы хъысмæтыл чи сахадыдта, уыдон. Уæдæ дзы дзуры Цæгат Ирыстоны цы ахсджиаг цаутæ цыд, уыдоныл дæр. Хуссар Ирыстоны сгуыхт журналист, Цæгат Ирыстоны культурæйы сгуыхт кусæг Хозиты Петр ма ныффыста ирон æвзаг æмæ культурæ бахъахъхъæныны тыххæй дæр.
Чиныджы презентацийы бацархайдтой журналисты æмбæлттæ, хæстæджытæ æмæ æмкусджытæ.
