Дзæуджыхъæуы байгом æрвылазон фестиваль «Молодость Осетии», зæгъгæ. Йæ фыццаг къæпхæн арæзт уыд Гергиты Валерийы номыл аивæдты колледжы.
Фыццаг бон сæхи фæлвæрдтой музыканттæ. Жюрийы уæнгтæ аргъ кодтой баяныл, скрипкæйыл, фортепианойыл, ирон фæндырыл цæгъджытæн. Фыццаг хат ма ацы къордмæ бафтыдтой домре æмæ бæллæлайкæйыл цæгъджыты. 200 архайæджы тох кæндзысты финалмæ рацæуынмæ. Фестивалы æвзарæн къæпхæн цæудзæн цыппар боны. 800 архайæгæй фылдæр сæ курдиаттæ балæвæрдтой 20 номинацимæ. Зæгъæм: кафынæй, ныв кæнынæй, телеуынынады журналистикæйæ æмæ æндæртæй. Уæлахиздзаутæ сбæрæг уыдзысты майрæмбоны гала-концерты. Уыдон фидæны аз, уалдзæджы архайдзысты æппæтуæрæсеон дельфинаг хъæзтыты.
