Ацы цаумæ дæр рагæй æнхъæлмæ кастысты сабитæ сæ ныййарджытимæ. Абон ма йæ дуæрттæ байгом кодта Владикавказская уынджы ног рæвдауæндон. Ам сабитæ бындурон зонындзинæдтæ исдзысты математикæйæ. Скъолайы агъоммæ уагдоны сабиты нымæц æххæст нæу, ныртæккæ исынц курдиæттæ.
Республикæйы сæргълæууæгмæ æнхъæлмæ кастысты иннæ ног рæвдауæндоны. Æрбынат кодта Владикавказская уынджы. Абон ам уыд стыр бæрæгбон. Æмæ канд сабитæн нæ, фæлæ ма сæ ныййарджытæн дæр. Ног рæвдауæндоны ис 16 къорды. 4 дзы сты хæрз чысыл сабитæн. Нырыккон кусæнгæрзтæ, сæрмагонд агъуыстытæ, хъазынæн хицæн бынат. Сабиты боны фæтк у бæлвырдæй нысангонд. Уыдзæн сын спортæй архайыны фадат дæр – гимнастикæйы æмæ спортивон залты. Ис сын сæрмагонд музыкалон кабинет дæр. Ныййарджытæн рæвдауæндоны уавæртæ сæ зæрдæмæ тынг фæцыдысты.
Рæвдауæндон сабиты зæрдæмæ кæй фæцыд, уый бæрæг уыд. Ам сын ис ног хъазæнтæ æмæ спортивон инвентарь. Сергей Меняйло бабар кодта æппæт уавæртæ аразын, цæмæй сабитæ сæхи хорз æнкъарой.
Сывæллæтты рæвдауæндоны ис 280 бынаты. Се ‘ппæт æххæст нæма сты. Ардæм кæй фæнды, уыдон сты бирæ. Уыимæ ма ам сывæллæттæ бындурон зонындзинæдтæ исдзысты математикæйæ. Ныридæгæн бакуыстой сæрмагонд программæйыл. Зæгъæм, 5 азы онг цы сабитыл цæуы, уыдонимæ кусдзысты рагагъоммæйы интеллектуалон райрæзтыл. Хистæр сывæллæттæн та амондзысты менталон арифметикæ. Ахуырад æмæ наукæйы министр Алыбегты Эллæ куыд загъта, афтæмæй ахсджиаг у цӕмӕй скъолайы агъоммæ ахуырад ног домæнтимæ æмдзу кæна.
Сывæллæтты рæвдауæндон арæзт æрцыд национ проект «Демографи» æмæ «Ахуырады райрæзты» паддзахадон программæйы фæлгæты.
