Дзæуджыхъæуы фыццаг хатт ацыд фестиваль “И вновь продолжается бой…”

Сывæллæтты сфæлдыстады республикон галуаны ацыд фестиваль “И вновь продолжается бой…”. Снысан æй кодтой Ирыстонæй рацæуæг хъæбатыртæн æмæ алы азты æфсæддон цæуты архайджытæн. Спикерты ‘хсæн батальонтæ “Арбат”, “Алани”, Плиты Иссæйы полчы æфсæддон уацхæсджытæ. Скъоладзаутæн радзырдтой сæрмагонд æфсæддон операцийы бынаты куысты æмæ сæ размæ цы зындзинæдтæ фæзынынц, уый тыххæй. Сабитæн ма равдыстой документалон хроникæ “Военкоры” зæгъгæ. Æрбахизæны та уыд тематикон равдыст. Мадзал арæзт æрцыд историон-патриотон проект “Уæлахизы Марафон”-ы фæлгæты, “Раззагдæрты змæлды” грантты конкурсы æххуыссæй.