Дзæуджыхъæуы ма Дзанайты Барисы разамындæй ацыд промышленнон продукцийы æнæзакъон зилдухы ныхмæ къамисы æмбырд.
Архайдтой дзы дзуапдæттæг министрадтæ, цæстдарæн æмæ барадхъахъхъæнӕн органты минæвæрттæ. Фарон специалисттæ рабæрæг кодтой карзнозт æмæ спитрхæццæ продукцийы зилдухимæ баст 131 цауы. Сӕхгӕдтой 58 æнæзакъон куыстуаты. 73 адæймаджы ныхмæ байгом кодтой уголовон хъуыддæгтæ. Æнæзакъон зилдухæй систой контрафактон карзнозты 140 мин бутылкæйы. Уымæй уæлдай дзуапдæттæг ведомствойы кусджытæ адæмы бахъахъхæдтой спиртхæццæ æнæзакъон нозты 180 мин литрæй.
