Дзæуджыхъæуы райдыдтой курдиæттæ исын æвзæрстыты рæстæг æвзарæн хаймæ хæстæг чи нæ уыдзæн, уыдонæй

Центрон æвзарæн къамисы райдыдтой курдиæттæ исын. Бæлвырддæр дзургæйæ æвзарджытæй хъæлæс кæнын бон бынæттон хайæдтæм чи нæ саккаг кæндзæн, уыдонæй. 2-æм августæй 13-æм августмæ бынæттон æвзарæн къамисы фæнысан кæнæн ис æвзарæг хъæлæс кæнын бон цы хайадмæ хаудзæн, уый. Бахæсдзысты йæ уыцы æвзарæн хайады номхыгъдмæ. Адæмы удæнцойæн ма курдиат бадæттæн ис Бирæвæрсыг центрты æмæ паддзахадон лæггæдты порталы. 8-æй 13-æм сентябры онг та ма бынæттон æвзарæн къамисмæ. Хъæлæс раттыны тыххæй ма спайда кæнæн ис «Мобильный избиратель» механизмæй.