Социалон къабазы чи фесгуыхт, уыцы амалхъом адæмы схорзæхджын кодтой кады гæххæттытæй æмæ зæрдылдарæн лæвæрттæй. Мадзал сбастой æнæкоммерцион организациты æппæтдунеон бонимæ.
Æмбырды архайдтой 21 организацийы минвæары. Дзырдтой амалиуæггæнджыты архайдыл. Уыимæ алкæмæндæр фадат уыд йæ хъуыдытæ зæгъынæн. Æдæппæтæй Цæгат Ирыстоны ис 899 æнæкоммерцион организацийы. Уыдонæй 300-йæ фылдæр кусынц социалон къабазы.
