Дзæуджыхъæуы уыд чиныг «Тепло наших сердец»-ы презентаци. Прозæ, поэзи — æдæппæтæй 50 авторæй фылдæр. Æмбырдгонд дзы сты нæ бæстæйы фондз регионæй фысджыты уацмыстæ. Се ‘хсæн цыппар — Цæгат Кавказы республикæтæ. Чиныг рауадзын къухы тагъд бафтыд, афӕдзӕй къаддæр ын бахъуыд. Йæ тираж у мин экземпляры.
Разныхас ын ныффыста республикæйы сæргълæууæг Сергей Меняйло. Йæ ныхасæй баиу кодта бæстæйы алы регионтæй прозаикты æмæ поэтты сфӕлдыстады ахадындзинад.
