Цæгат Ирыстоны æвзæр боныхъæд ногæй йæ кæнонтæ кæны. Их, тæрккъæвда æмæ тыхджын дымгæйы ахæсты фесты Алагиры цæрджытæ. Горæты уынгтæ доны бын фесты. Кæцыдæрты дзы бæлæстæ афæлдæхтысты.
Æмткæй райсгæйæ, сты 20. Къостайы æмæ Ленины номыл уынгты ацæуæн нæй. Электрон тыхы телтæ кæй аскъуыдысты, уый аххосæй
Алагир æмæ хæстæг хъæуты рухс нал уыд. Донæмбырдгæнæн «Южный» цы бетонæй конд цæдджындзтыл æнцайы, уыдонæй дыууæ афæлдæхтысты.
Районы бынӕттон администраци куыд хъусын кæны, афтæмæй ныридæгæн архайынц æрдзон фыдбылызы фæстиуджытæ аиуварс кæныныл. Гидромедцентры хъусынгæнинагмæ гæсгæ, хæстæгдæр рæстæг дæр тæрккъæвдатæй у тæссаг.
