Дзæуджыхъæуы уыд Республикон æрсидтон къамисы æмбырд. Амыдта йæ регионы разамонæг Сергей Меняйло. Архайдтой дзы хицауады уæнгтæ, муниципалон скондты сæргълæуджытæ, Цæгат Ирыстоны æфсæддон комиссарад æмæ Мидхъуыддæгты министрады кусджытæ.
Дзырдтой æфсадмæ исыны фæззыгон кампанийыл. Мадзæлттæ цæуынц домæнтæ хынцгæйæ. Уæрæсейы Президенты указмæ гæсгæ, декабры фæуыдзысты. Республикæйы сæргълæууæг бадомдта, цæмæй дзуапдæттæг кусджытæ афойнадыл баххæст кæной æппæт хæслæвæрдтæ.
Ахсджиаг у сиддонты ныййарджытæн бамбарын кæнын, сæ сывæллæттæ æфсæддон операцимæ æрвыст кæй не `рцæудзысты, уый. Уæдæ сæ Донецкы, Луганскы, Запорожье æмæ Херсоны облæстты æфсæддон хайæдтæм дæр нæ арвитдзысты, фæнысан кодта Сергей Меняйло.
