Республикæйы бындуронæй сцалцæг кæндзысты 21 скъолайы. Уый тыххæй хицауады аппаратон æмбырды фехъусын кодта дзуапдæттæг министр Алыбегты Элла.
Уæ зæрдыл уын æрлæууын кæндзыстæм, уыцы куыст фарон кæй райдыдтой. Ныридæгæн сцалцæг кодтой 30 объекты, августы астæумæ ма фæуыдзысты ноджыдæр 14 скъолайы рацарæзт. Сывæллæтты уал арвыстой хæстæгдæр скъолатæм, цæмæй сæ ахуыры фæтк ма хæла. Министры ныхæстæм гæсгæ, ныртæккæ цæттæ кæнынц скъолатæ сцалцæг кæнынæн ног курдиат 2024-æм – 2025-æм азтæм. 20 скъолайæн уал разыйы дзуапп райстой. Иннæты тыххæй та – хъуамæ сбæрæг уа сæрды. Æмткæй райсгæйæ, фæнд кæнынц хæстæгдæр азты 50 ахуыргæнæндоны сцалцæг кæнын.
Фембæлды ма ныхас кодтой социалон ахсджиаг бæстыхæйттæ саразын æмæ сцалцæг кæныны тыххæй дæр.
