Дзанайты Барис фембӕлд Уӕрӕсейы Банчы сӕрдары хӕдивӕг Алексей Гузновимæ

Дзанайты Барис фембӕлд Уӕрӕсейы Банчы сӕрдары статс-секретарь – хӕдивӕг Алексей Гузновимæ. Ныхасы уæлдай æргом аздæхтой иумӕйаг куысты сӕйраг фæзилæнтæм. Премьер куыд фӕбӕрӕг кодта, афтӕмӕй Цӕгат Ирыстон стыр аргъ кӕны Уӕрӕсейы Банк ӕмӕ йӕ хайадимӕ ӕмгуыстадӕн. Республикӕйы уӕрӕхдӕр кӕны ӕнӕрмӕджы фидыны фадат ӕппӕт къабӕзты дӕр — фысымуæтты, туризмы объектты, цæрæнуатон-коммуналон хæдзарады. Дзанайты Барис фæнысан кодта, регион гом у Уӕрӕсейы Банчы хъæппæристæ дарддӕр ӕххӕст кӕнынӕн. Кӕронбӕттӕн нысан — цӕрджытӕн удӕнцой уавӕртӕ саразын. Алексей Гузновы ныхӕстӕм гӕсгӕ, Цӕгат Ирыстоны хицауадимӕ куысты бирӕ хорз хъуыдытæ ис адӕмы финансон ахуырдзинад фӕбӕрзонддӕр кӕнынӕн, уымӕ гӕсгӕ ахсджиаг у республикӕйы финансон ахуырады центр саразын. Хъӕппӕрисыл ныридæгæн архайынц, фæзындзæн дыууæ мин дыууын æвдæм азмæ.