Сæрмагонд федералон проектты фæрцы Кировы районы аив кæнынц уынгтæ æмæ æхсæнадон бынæтттæ. Ног кæнынц фæндæгты уæлцъар, ивынц уынгты цырæгътæ донуадзæн хæтæлтæ. Бæлвырддæр нæ дарддæры æрмæджы.
Алексей Артемьев ныр бирæ азты дæргъы кусы электрон тыхы телты монтажгæнæг – инженерæй. Йæ куыст афтæ бирæ уарзы, æмæ йæ кусæг къордимæ Уæрæсейы цы къуымæй нæ ракастысты сæ куысты фæдыл, ахæм нæ баззад. Ныр специалисттæ кусынц Цæгат Ирыстоны. Ам хъуамæ нæ республикæйы 11 уынджы хъæумæ бауадзой рухс.
Елхотты тыхджын дымгæ æмæ тæрккъæвдатæ бахъыгдæрдтой электрон тыхы телтæ. Ныр сын фæзынд гæнæн ӕмӕ амал Кировы номыл æмæ Сабырдзинады уынгты телтæ раивын. Хæстæгдæр рæстæг сæ къухы бафтдзæн ӕмӕ куыстытæ фæуыдзысты. Ӕххæст сӕ кæнынц федералон проекты фæрцы, сæ фæлгæты раивтой донуадзæн хæтæлтæ дæр.
Æппæт куыстытæ нымад чи фæуыдзæн. Ныр Ленины номыл уынджы фæндаджы уæлцъар раивтой, фæзынд дзы ног цырæгътæ дæр.
Районы алфамблайы хæрзарæзт æмæ аивгæнæн мадзæлттæм уæлдай æргом здæхт цæуы. Федералон программæ «Формирование комфортной городской среды» ӕмӕ «Комплексное развитие сельских территории»-йы фæлгæты ма фидæны фæнд кæнынц ноджы иу спортивон фæз скæнын, уыимæ иннӕ рӕтты дӕр раивын фæндаджы уæлцъар.
