Цæгат Ирыстоны фæндырзæгъдджытæ рамбылдтой фæсивæды хсæн цы æппæтуæрæсеон æркаст арæзт æрцы, уым. Сæ курдиат равдисынмæ нæ бæстæйы алы субъекттæй Ростовмæ æрбацыдысты 150 архайæгæй фылдæр. Ацы æркаст хъуыстгонд у æрыгон музыкантты æхсæн. Цæуы 11-æм аз. Архайджыты ‘хсæн уыдысты нæ республикæйы курдиатджын æрыгæттæ дæр. Куыд ахицæн æркаст æмæ дзы чи рамбылдта, уый та нын радзурдзæн нæ уацхæссæг.
Нæ республикæйы культурæйы æмæ Гергиты Валерийы номыл аивæдты колледжæй 5 сфæлдыстадон къорды араст сты Ростовмæ æппæтуæрæсеон конкурсмæ. Уырдыгæй фæндырдзæгъдджытæ сыздæхтысты уæлахиздзаутæй. архайджыты æхсæн уыдысты æрмæст студенттæ нæ, фæлæ ма сæ ахуыргæнджытæ дæр.
Коцылаты Сослан у архайджытæй иу. Фæндырыл цæгъды 7 азы. Йæ ныхæстæм гæсгæ, кæд æмæ æнæнхъæлæджы фæцалх ис цæгъдыныл, уæддæр архайы зæрдæргъæвдæй. Фæлæ никуы хъуыды кодта, ахуыргæнæг суыдзæн, уый. Ахæм æркасты архайдта фыццаг хатт. Хорз хатдзæгтæм та нæдæр Сослан, нæдæр колледжы кусджытæ не ‘нхъæлмæ кастысты. Фæлæ ахуырхæнджытæм æрхауд дыккаг бынат.
Фæлæ, кæй зæгъын æй хъæуы, ахуыргæнджытæ тынгдæр цин кодтой сæ студентты æнтыстдзинæдтыл. Мæт дæр сыл гыццыл нæ кодтой. Уымæн æмæ æнæуий æркастыты хуыздæрты равзарынц хибарæй фæндырдзæгъдджыты æхсæн. Ам та уыдон уыдысты баяныл æмæ аккордеоныл чи цæгъды, уыдоны æмрæнхъ. Уымæ гæсгæ сын рамбулын уыд зындæр. Фæлæ дзæгъæлы тарстысты. Коллективтæй æртæйæ нымад æрцыдысты хуыздæртыл.
Аивæдты колледжæй æркасты архайдта æрмæстдæр иу сфæлдыстадон къорд. Рамбылдта фыццаг бынат. Къорды архайынц æртæйæ. Сæ разамонæг та у Абойты Хетаг. Жюрийы уæнгтæ сын сæ цагъд банымадтой æппæтæй рæсугъддæр æмæ хицæнхуыздæрыл.
Классикон уацмыстæ национ инструментыл ацæгъдын æцæгæйдæр зын у, зæгъынц ахуырдзаутæ. Тедеты Азæмæт бахауд уыцы æртæ амондджынты æхсæнмæ. Фæндыд сæ афæлварнын, цы нæ вæййы зæгъгæ. Æмæ сæ къухы бафтыд уæлдайджынтæй. Музыкантты æрхуыдтой Ростовы консерваторийы ахуыр кæнынмæ.
Ахуыргæнджыты ныхæстæм гæсгæ, студентты бон у æппæты зындæр уацмыстæ дæр ацæгъдын. Иннæ аз та 12-æм æппæтуæрæсеон æрыгон музыкантты æркасты уый фенæн уыдзæн.
Биджелты Бертæ
