Битарты Вячеслав абон фембæлд Русгидройы генералон директор Николай Шульгиновимæ.Ныхас цыд компанийы куыстыл нæ регионы. Æрдзырдтой ма нæ республикæйы арæзт чи цæуы, уыцы Зæрæмæджы фыццаг гидроэлектростанцæйы тыххæй дæр. Пъланмæ гæсгæ скусдзæн ацы азы кæрон. Николай Шульгинов бафиппайдта, куыд вазыгджын у ахæм проекттæн бынæттон æххуыс куы уа, уый. Битарты Вячеслав ныхас радта, проект саразынæн æппæт хъæугæ уавæртæ дæр арæзт кæй æрцæудзæн.
Уыимæ зæрдæ бавæрдта, тагъд рæстæджы дыккаг гидроэлектростанцæйы арæзтадыл дæр кæй æрдзурдзысты, уый.
