Дзæуджыхъæуы райдыдта республикон æрыгон иртасджыты конкурс «Шаг в будущее», зæгъгæ. Мадзал аразт цæуы æрвылаз Цæгат Кавказы хæххон-металлургон институты.
Ацы аз конкурсы архайынц 120 скъоладзауы æмæ студенты. Мадзалæн йæ сæйраг нысан у инженерон наукæтæм æмхиц фæсивæды рабæрæг кæнын. Архайджыты куыстытæм кæсдзысты 10 зонадон секцимæ гæсгæ. Конурс аразджыты ныхæстæм гæсгæ, ныртæккæ нæ республикæйы ис сæрмагонд системæ куртиатджын фæсивæд сбæрæг кæнынæн. Архайджыты ‘хсæн хуыздæрты равзардзысты хæххон-металлургон институты ахуыргæнджытæ. Мадзалы уæлахиздзаутæн фидæны уыдзæн фадат Уæрæсейы зонадон конференциты бацархайынæн. Уымæй уæлдай ма сын уыдзæн льготæтæ техникон уæлдæр ахуыргæнæндæттæм бацæуынæн.
Конкурс арæзт у Цæгат Ирыстоны ахуырады министрад æмæ сывæллæтты техникон сфæлдыстады республикон центры хъæппæрисæй.
Конкурсы архайæг Сугъараты Зауыр: «Нæ проекты Цæгат Ирыстоны æрдзон уавæртæ фæхуыздæр кæныны фарстатæм раздæхтам уæлдай æргом. Бæлвырддæр зæгъгæйæ та, завод «Электроцинчы» зианхæссæг хауæддзæгты нымæц фæкъаддæр кæнынмæ. Ацыдыстæм заводмæ. Лæмбынæг Æркастыстæм туагад уадзыны цехмæ».
Сывæллæтты техникон сфæлдыстады республикон центры директоры хæстæ æххæстнæнæг Светлана Иванова: «Конкурс арæзт у курдиатджын скъоладзаутæн баххуыс кæнæныны æппæтуæрæсеон программæ «Фидæнмæ къахдзæф»-ы фæлгæты. Конкурсæн ис стыр ахадындзинад. Нæ бæстæйы промышленнон куыстуæтты дæсны инженертæн кæддæриддæр кæндзысты стыр аргъ. Уый хынцгæйæ, нæ размæ ‘вæрæм стыр хæстæ».
