Нæ бæстæйы æппæт скъолаты фидæны азмæ байгом кæндзысты спортивон клубтæ. Уый тыххæй фехъусын кодта Уæрæсейы рухстауыны министр Сергей Кравцов. Форум «Наука побеждать» у стыр проект «Zа самбо»-йы иу хай. Ныртæккæ фæнд кæнынц иу хыгъд снысан кæнын, ныридæгæн дзы ис 33 мин спортивон клубы. Самбойæ дзы архайынц 27 мин скъоладзауы.
Министры ныхæстæм гæсгæ ныртæккæ кусынц «Самбо в школе» æппæтуæрæсеон проекты æххæст кæныны мадзæлттыл. Ахæсдзысты 2025 азы онг. Самбойы Федерациимæ бакуыстой скъолатæн методикон комплекс саразыныл. Хъæбысхæсты райрæзтæн фæзындзæн ахуырадон центр дæр.
