Фæсивæдон форум «Город-2019», зæгъгæ, йæ тæмæны бацыд Цæгат Ирыстоны дæр. Цыппар боны дæргъы сæ ахуыр кæндзысты проекттæ фыссыныл. Зонындзинæдтæ нæ бавгъау кæндзысты алы къабæзты хуыздæр специалисттæ. Форумы архайдтой Цæгат Ирыстоны Паддзахадон æмæ Хæххон аграрон университетты, стæй нæ горæты хæххон-металлургон, педагогон æмæ разамынды институтты ахуырдзаутæ. Уымæй уæлдай уæлдæр ахуыргæнæндæтты ахуырдзаутæм æнхъæлмæ кæсынц националон хъæзтытæ, стæй дæсныйад æвдисæг ахуыртæ.
Абон ацы бынатмæ æрбацыдысты бирæ æрыгон студенттæ. Се ‘хсæн Цæгат Ирыстоны Паддзахадон æмæ Хæххон аграрон университетты, стæй нæ горæты хæххон-металлургон, педагогон æмæ разамынды институтты ахуырдзаутæ. Уыдон 4 боны кусдзысты цымыдисаг программæйыл. Тобойты Сервер куыд бафиппайдта, афтæмæй æрыгæттæн ахæм форумтæ стыр ахъаз сты.
Ацы форум арæзт у нæ республикæйы фæсивæд æмæ физкультурæйы хъуыддæгты комитеты хъæппæрисæй. Уыдоны фæрцы æрыгæттæн ис фадат афæлгæсын сæрмагонд программæйыл. Сахуыр сæ кæндзысты проекттæ фыссыныл. Уыимæ ма сын сараздзысты цымыдисаг лекцитæ, тренингтæ æмæ практикон ахуыртæ. Сæ дæснайад та сын æнæвгъауæй æвдисдзысты Старапъолы æмæ нæ республикæйы хуыздæр специалисттæ. Уыдоны ‘хсæн уыдзысты нæ горæты уæлдæр ахуыргæнæндæтты дæсны ахуыргæнджытæ, Æрвылазон форум «Машук»-ы тренертæ æмæ блогертæ. Аразджыты сæйраг нысан у – æрыгæтты бацæттæ кæнын, фидæны цы проекттæ уыдзæн, уыдонмæ.
Уыцы ивддзинæдтæ дзæгъæлы нæ уыдзысты. Джусойты Мурат куыд загъта, афтæмæй алы форуммæ дæр хи бæстонæй бацæттæ кæнын хъæуы. Хъуамæ æрыгæттæн саразой æппæт уавæртæ дæр, цæмæй сæ проекттæ цымыдисаг æмæ хъæугæ уой, уый тыххæй. Уымæн та стыр ахъаз фæуыдзæн нæ республикæйы администарцийы фæлтæрддзинад.
Ацы форумты æрвылаз архайы бирæ фæсивæд. Сæйрагдæр сын у ногдзинæдтæ базонын, æмæ Уæрсейы уæлдæр бынæттæ бацахсын, цæмæй сæ республикæйы ном айхъуыса, уый тыххæй. Ахæм хъуыдыйыл хæст у Хæххон Паддзахадон аграрон университеты 1-æм курсы ахырдзау Хъæцмæзты Аланæ дæр.
Кæронбæттæны студенттæм æнхъæлмæ кæсы националон хъæзтытæ, стæй дæсныйад æвдисæг ахуыртæ.
Къутæрты Аидæ
