Уæлдæфон – десантон æфсæдтæм Цæгат Ирыстонæй араст уыдзæн 250 адæймаджы. Кадджын уавæры сидтонтæн Дзæуджыхъæуы абон загътой фæндараст. Мадзал сарæзтой Намысы Аллейæйы, Советон цæдисы хъайтар Василий Маргеловы цыртдзæвæны цур. Зæрдæвæрæн ныхæстæ фыдыбæстæ хъахъхъæнджытæн загътой ветеранты советы минæвæрттæ, Дзæуджыхъæуы администраци, æфсæддон комиссариат æмæ десантникты цæдисы сæрдар Золойты Игорь. Мадзалмæ æрбацыдысты сидтонты хæстæджытæ æмæ хиуæттæ. Аст сидтоны уал рæхджы арвитдзысты Омскы уæлдæфон-десантон дæлхайадмæ.
Роберт Бегизов: «Ацы аз фыццаг хатт фидæны уæлдæфон æфсæддонтæн сарæзтам сæрмагонд ахуыртæ. Ахуыр сæ кодтам ДОСААФ-ы бындурыл. Уæдæ фæлварæнтæ дæр радтой. Фидæны десантон æфсæддонты æвзæрстам физикон æмæ психологон домæнтæм гæсгæ. Ацы лæппутæ уыцы домæнтæ сæххæст кодтой».
