Абон Джызæлмæ хæстæг байгом кодтой Мемориалон комплекс «Барбашовы фæз».
«Цæгат Кавказы йын æмбал нæй» – загътой кадджын мадзалмæ æрбацæуджытæ, уыдысты 100 адæймагæй фылдæр.
«Барбашовы фæз» байгом кæныны мадзалмæ Цæгат Ирыстонмæ ссыд Уæрæсейы президенты æххсæтбарджын минæвар Цæкат Кавказы Федералон Зылды – Олег Белавенцев æмæ Хуссар Ирыстоны президент – Бибылты Анатолий. Мемориалон комплекс арæзт æрцыд Цæгат Ирыстоны мидхъуыддæгты министр Михаил Скоковы хъæппæрисæй æмæ Битарты Вячеславы æххуысæй. Комплексы ис музей-дзот æмæ хæсты рæстæджы æфсæддон техникæ. Фенæн дзы ис суанг ма Берлины Уæлахизы парады чи архайдта, уыцы танк ИС-3. Мемориалон комплексы ма сарæзтой Советон Цæдисы Хъæбатырты Аллея. Равæрдтой дзы Цæгат Ирыстоны цæрджытæй хæсты быдырты йæ туг чи фæкалдта, уыцы хæстонты къамтæ сæ ном æмæ мыггæгтимæ.
