Хæдтулгæтæй бырæттæ чи æппары, уыдон ныр кардзæрæй æфхæрд цæудзысты

Æнæзакъонæй бырæттæ транспортæй чи æппары, уыдон ныр карздæрæй æфхæрд цæудзысты. Ахæм закъон бафыстой Паддзахадон Думæйы. Хуымæтæг цæрджытæ ацы закъонмæ гæсгæ иваргонд цæудзысты 10-æй 15 мин сомы онг, бæрнон кусджытæ 20-æй 30 мин сомы онг, юридикон бæрнондзинад кæмæ ис, уыдон та 30-æй 50 мин сомы онг. Дыккаг хатт дæр ахæм уагхæлд чи ‘руадза, уыдоны ивары бæрц дыууæ хатты фæфылдæр уыдзæн. Зæгъын ма хъæуы уый дæр, æмæ бæрнон кусджытæ æмæ юридикон бæрнондзинад кæмæ ис,  уыдонæн, гæнæн ис, æмæ сæ транспорт дæр конфискацигонд æрцæуа.