Республикæйы парламенты æхсæзæм сидты депутаттæ абон æрæмбырд сты кæронбæттæны сессимæ. Финансты министрад рахаста, фароны бюджет æххæстгонд куыд æрцыд, уый хатдзæгтæ. Æфтиæгты бæрц схызт 45 млрд сом æмæ 748 млн сомы бæрц, хæрдзтæ та — 44 млрд æмæ 816 млн соммæ. Æдæппæтæй цы лӕвар æфтиæгтæ ист æрцыд, уыдоны бæрц та — 30 млрд æмæ 5 сæдæ млн сомы. Дискусси сæвзæрд донæххæстгæнæн лæггæдты иумæйаг бынат саразыныл закъоны проекты фæдыл. Донæххæстгæнæн тарифтæ, гæнæн ис, æмæ кæй фæфылдæр уой, уый тыхсын кæны парламентариты. Цæрæнуæтты коммуналон хæдзарад, артаг æмæ энергетикæйы министр Тамайты Майран куыд фæнысан кодта, афтæмæй закъоны фæрцы регионмæ уæлдай æргом раздахдзысты уæлæмхасæн федералон фæрæзтæ.
Афтæмæй аиуварс кæнæн уыдзæн къорд лыггæнинаг фарстатæ. Йæ ныхæстæм гæсгæ, абон къабаз ис зæрдæхсаинаг уавæры. Куыстуæттæн сæ фылдæр сты мӕгуырмӕ хæстæг лӕуд. Уымæй ахсджиагдæр та — нæ кусынц сыгъдæггæнæн фæрæзтæ. Хъæлæстӕ нымайӕн кæронбæттæны закъоны проекты нысангонд æрцыд. Æмбырды ма ныхас цыд кæнгæ ныййарджытæн социалон фæрæзтыл æмæ Донбассæй лыгъдæттæн лæвар юридикон æххуысыл. Æмбырды бацархайдтой республикæйы разамонæг Сергей Меняйло. Раарфæ кодта депутаттæн иумæйаг æмæ æнтыстджын куысты фæдыл.
