Уæрæсейы гæнæн ис æмæ ивар кæнын райдайдзысты, сæ хæдтулгæты уæлæмхасæн динамиктæ цы шофыртæ сæвæрой, уыдоны.
Ивары бæрц – 500 сомы. Дыккаг хатт ма уагхæлд куы æрцæуа, уæд хæдтулгæ пъæлицæйæгтæн сæ бон у хæдтулгæ регистрацийæ сисын дæр. Уæвгæ, закъонхæлдтæм хауынц хæдтулгæйы конструкцийы цыфæнды ивддзинæдтæ куы ‘рцæуа, уыдон се ‘ппæт дæр. Мидхъуыддæгты министрады кусджытæ æмбарын кæнынц, ахæм ивддзинæдтæ æдасдзинады домæнтæ кæй халынц, уый.
