Хæрзаудæн фонд «Быть добру»-йы проект – æппæтуæрæсеон инклюзивон фæсивæдон форум «Без границ» – сси æппæтадæмон конкурс-фестиваль «Мы вместе»-йы уæлахиздзау. Хатдзæгтæ скодтой адæмон æвзæрстыты руаджы.
Цы грант рамбылдтой, уый руаджы иннæ аз республикæ суазæг кæндзæн 250 адæймаджы бæрц. Форумæн ис æртæ здæхты. Йæ архайджытæ къуырийы дæргъы хъусдзысты ахуырадон лекцитæм, баххуыс сын кæндзысты проекттæ царды уадзынмӕ. Мадзал цæуы дзæбæхгæнæн центр «Тæмискъ»-ы бындурыл.
