Хицауады хæдзары дзырдтой инвестицион проекттæ æххæст кæныны мадзæлттыл. Æмбырд амыдта Сергей Меняйло. Ныхас кодтой «Алания парк»-ы инвестицион проекты фидæныл. Бæрнон кусджытæ се ’ргом аздæхтой Мамысоны курорты арæзтадмæ дæр.
Карсанаты Оледжы ныхæстæм гæсгæ, октябры Цæгат Ирыстонмæ ссæудзæн «Курорты Северного Кавказа», зæгъгæ, æхсæнады директор Хасан Тимижев. Йемæ ссæудзысты французаг фирмæйы минæвæрттæ. Фирмæ аразы канатон фæндæгтæ.
Уымæй уæлдай ма æмбырды рæстæг инвесторимæ баныхас кодта Экологи æмæ æрдзон ресурсты министрад. Проектмæ гæсгæ завод «Ирстоун»-ы арæзтад бынæттон хомагæй ифтонггонд кæй цæудзæн, ууыл. Алы инвестпроектыл дæр хъæудзæн хицæнæй бакусын. Ахæм хæслæвæрд Сергей Меняйло радта бæрнон кусджытæн.
