Президенты бардзырдтæ, паддзахадон программæтæ æмæ национ проекттæ куыд æххæстгонд цæуынц, ууыл ныхас цыд хицауады уæнгтимæ æмбырды. Амыдта йæ регионы разамонæг Сергей Меняйло.
Æрдзырдтой социалон нысаниуæг кæмæн ис, ахæм объектты арæзтадыл. Михаил Мишустин Цæгат Ирыстоны сæргълæууæгимæ фембæлды рæстæг цы амынддзинæдтæ радта, уыдон хæстæгдæр рæстæг хъæуы сæххæст кæнын. Уый хыгъд хицауады дзуапдæттæг уæнгты размæ Сергей Меняйло сæвæрдта сæрмагонд хæстæ. Регионы разамонæг ма бабар кодта уæрæсейаг институттимæ æмгуыстадыл бакусын. Цæгат Ирыстонæн иумæйаг проекттæ ис территориты райрæзты фондимæ, ДОМ.РФ, ВЭБ.РФ, Кавказ.РФ æмæ стратегион хъæппæристы агентадимæ. Ныхас ма цыд социалон нысаниуæг кæмæн ис, инфраструктурæйы ахæм объектты цалцæг æмæ рацарæзтыл. Сергей Меняйло фæнысан кодта, объекттæ хъуамæ лæвæрд æрцæуой афойнадыл. Ахсджиаг хæстæ сæвæрдтой туризмы комитеты размæ. Æмбырды рæстæг ма æрдзырдтой Æрыдон, Алагир, Дигора æмæ Беслæны цы æнæзакъон бырондæттæ сывзæрд, уыдон аиуварс кæныны ахсджиагдздинадыл.
