Хорз хъуыддæгтæн бирæ нæ хъæуы

Абон Дзæуджыхъæуы уыд Æппæтуæрæсеон конкурс «Уæрæсейы бархион»-ы проекты презентаци. Æрбацыдысты йæм алы къабæзты кусджытæ, акциты архайджытæ æмæ аразджытæ. Се `ппæтæн ма иу хатт радзырдтой, сæ бон конкурсмæ проект бацæттæ кæнын кæй у, уый тыххæй. Сæ хуыздæртæ сæххæст кæнынæн баххуыс кæндзысты паддзахад, амалхъом адæм æмæ дзыллон информацион фæрæзтæ. Хуыздæр проектты автортæн та ратдзысты 1 млн сомы онг гранттæ. Æппынкъаддæр æхцайы преми у 150 мин сомы. Конкурс «Уæрæсейы бархион»-ы проекты архайынмæ 1-æм июльмæ алкæй бон дæр у курдиат бадæттын. Зæгъдзыстæм ма уый дæр, æмæ 2018-æм Уæрæсейы нысангонд кæй æрцыд бархионты азыл.