Хуыздæрты хуыздæртæ

Хæххон-аграрон университеты культурæйы галуаны та сарæзтой фестиваль «Город талантов», зæгъгæ. У конкурс «Молодость Осетии»-йы æвзарæн къæпхæн. Мадзалы сæйраг хæс – курдиатджын фæсивæд рабæрæг кæнын. Стæй ма сын саразын фадæттæ аивад æмæ культурæйы сæхи бафæлварынæн. Ацы аз конкурсы фæзынд ног номинацитæ: вокал, театр æмæ хореографи. Бафтыдтой ма сыл аив дзырд, оригиналон жанр æмæ нывгæнынад. Архайджыты кар у 6 азæй – 25 азы онг. Архайджытæн аргъ кодтой республикæйы культурæйы сгуыхт кусджытæ. Фестивалы сæ курдиат равдыстой 300 адæймаджы. Мадзал аразджыты ныхæстæм гæсгæ, ацы аз сæ нымæц зынгæ фæфылдæр.