Ипотекæ ныр ис электрон хуызы райсынӕн дӕр, уыимæ иу бонмæ. Уымæй уæлдай ныр фадат фæзынд исбон хиуыл ныффысын бирæвæрсыг центрмæ ма `рбацæугæйæ. Ныхас цæуы Росреестр æмæ кредитон организациты иумæйаг проектыл. Йе `руаджы æлхæнæг æмæ уæйгæнæг алы горæтты куы уой, уæддæр дистанцион хуызы сæ бон уыдзæн бадзырд бафыссын. Курдиат электрон хуызы бадæттæн ис банкты официалон сайтты.
Уый фæстæ хъӕудзӕн иу-хатт æрбацæуын офисмæ æмæ гæххæттытыл къух æрæвæрын. Хъæугæ документтæ æрвыст æрцæудзысты Росреестры Управленимæ. Специалистты ныхæстæм гæсгæ, арæхдæр республикæйы цæрджытæ равзарынц ипотекӕ ахæм хуызы райсын.
