“Ирон фарны цырагъдартæ”

“Ирон фарны цырагъдартæ”. Цæгат Ирыстоны Фысджыты цæдисы равзæрды 100 азы æмæ Ирон театры 90 азы кадæн журал “Мах дуг” цы номыртæ рауагъта, уыдонæн уыд презентаци Национ музейы. Йæ архайджытæ æмæ уазджытæ — республикæйы Культурæйы министрады æмæ Мыхуыры комитеты минæвæрттæ, фысджытæ, театралон архайджытæ, студенттæ, мыхыуыры фæрæзты разамонджытæ. Презентацимæ саккаг кодтой сыхаг республикæтæй уазджытæ дæр. “Мах дуг” æмгуыст кæны бирæ регионты литературон журналтимæ. Дыууæ юбилейон рауагъды дæр стыр æргом аздæхтой истори æмæ алы фæлтæрты разамынд æмæ зиууæтты архайдмæ. Фенæн сæ ис къамтæ, режиссертæ æмæ актерты мысинæгтæ, сæ цард æмæ сфæлдыстадыл фыст уацтæ, æмдзæвгæтæ, зонадон æрмæг, радзырдтæ, хъæлдзæг ныхæстæ. Мадзаларазджытæ — Хетæгкаты Къостайы номыл Ирон литературæйы музей æмæ Цæгат Ирыстоны фысджыты цæдис.