Ирон театры та ацыд радон премьерæ. Театрдзауты сбуц кодтой Илас Æрнигоны радзырдмæ гæсгæ æвæрд спектакль «Челе»-йæ. Премьерæ сбастой театры æппæтдунеон бонимæ. Æвдыст дзы цæуы чъынды æмæ зыд адæймаджы цардвæндаг.
Илас Æрнигоны радзырдмæ гæсгæ æвæрд спектакль «Челе»-имæ базонгæ сты театрдзаутæ. Дзурæг у адæймаджы цардвæндагыл. Нæлгоймаг йæхи фæллойæ скодта бирæ исбон, фæлæ мæгуыр у адæймаджы ху ыздæр миниуджытæй. Нæ зоны цы у рæдаудзинад. Бинонты хистæр тыхсын кæны йæ кæстæрты. Æппынæдзух сæ кусын кæны. Сæ бон куы нæ вæййы, уæддæр.
Спектакль «Челе»-йы премьерæ сбастой Театры æппæтадæмон бонимæ. Аивадуарзджыты зæрдæмæ тынг фæцыд. Залы адæмæй къух бакæнæн нæ уыд. Йæ хъуыды, цаутæ æмæ ныхмæлæуддзинад, хъæлдзæг нывтæ. Æнæмæнг, алы театрдзау дæр спекталы фæстæ йæхицæн исты хатдзæг скодта. Æмæ уый къухы бафтыд актерты стыр курдиаты руаджы. Уыдон сæхи цæттæ кодтой къорд рæстæг. Спектакль цæуы дыууæ сахаты. Классикон уацмысы мидис ма фесафын æмæ йæм ногдзинæдтæ бахæссын æнцон хъуыддаг нæу. Спектаклы режиссер Битарты Алыксандр бæстон куыст бакодта, цæмæй цыбыр истори сценæйæн сбæзза.
Адæмон артистæн зонгæ сты æппæт лыстæгдзинæдтæ дæр. Челеимæ сывæллæттæ базонгæ вæййынц райдиан кълæсты. Радзырды æвдыст цæуы адæймаг хиуарзон æмæ чъынды куы вæййы, уæд йæ цард куыд ницæйаг рауайы, уый. Нæ бавзары нæ уарзондзинад, нæ хæлардзинад.
