Сергей Меняйло фембæлд республикæйы цæрджытимæ. Сæ фарстатæ æмæ фæндонтæ баст уыдысты сæрмагонд æфсæддон операцийы архайджытæн æмæ сæ бинонтæн æххуысимæ. Мобилизацигонд æфсæддоны мад æрбацыд йæ фырты кадрон программæмæ гæсгæ ахуырмæ арвитыны курдиатимæ.
Сæргълæууæг ын радзырдта регионалон программæ “Ирыстоны æхсар”-ы архайыны домæнтæ. Хи бафыссæн æм ис 30-æм мартъийы онг. Хæстонты бинонтæй иутæ куырдтой материалон æххуыс, иннæтæ — цæрæнуат самал кæныны, кæнæ регионалон фиддон снысан кæныны хъуыддаджы сæм фæкæсын.
Регионы разамонæг алы курдиатмæ дæр бæстонæй æркаст. Фæнысан кодта, хæстонтæн æмæ сæ бинонтæн æххуыс республикæйы социалон политикæйы ахсджиагдæр нысантæм кæй хауы. Дзуапдæттæг кусджытæн бахæс кодта фарстатæм æргом аздахын.
