Æфсæддон комиссариатмæ афойнадыл чи не `рбацæуа, уыдоны фидын райдайдзысты ивар. Уый тыххæй хъусын кæны информацион агентад ТАСС.
Уæрæсейы хицауадмæ уыцы хъæппæрис бахаста æдасдзинад хъахъхъæнынады министрад. Ныхас цæуы, медицинон æркастмæ æнæ ахадгæ `фсонæй цы сиддон не `рбацæуа, уыдоныл. Ивары бæрц 500 сомæй 3000 сомы онг фæфылдæр уыдзæн. Ивар кæндзысты йæ цæрæнбынат, кæнæ йæ куысты бынат чи аивта æмæ æфсæддон комиссариатмæ бæлвырд æмгъуыдмæ чи нæ фæхабар кодта, уыцы сиддонты. Чи æрбасатар ис æмæ æндæр бæстæмæ чи алыгъд, закъон уыдонмæ дæр хауы. Æдасдзинад хъахъхъæнынады министрад ма фæнд кæны, йе `фсæддон билет чи фесафа, уыдоны дзыпп дæр 3000 сомы раафтид кæнын!
