«Æппæтуæрæсейон наукон-иртасæн фæллойы институт»-ы кусджытæ республикæйы куыст дæттыны комитетимæ бафыстой бадзырд. Амынд дзы куыд ис, уымæ гæсгæ 28-æм майæ 30-æм маймæ комитеты кусджытæ ацæудзысты ахуыртæ сæрмагонд программæтæм гæсгæ.
Куыд зæгъынц, афтæмæй хъуамæ фæцалх уой адæмæн паддзахадон лæггæдты фæлгæты адæмæн куыст дæттыныл. Хъуамæ уыцы куыстæн базоной йе `ппæт сусæгдзинæдтæ дæр. Уымæй уæлдай ма се `ргом аздахдзысты, йе `нæниздзинад цауд кæмæн у, ахæм адæмæн дæр куыст дæттынмæ. 29-æм майы та комитеты службæ æрныхас кæндзæн медикон-социалон иртæстытæ аразæг куыстуæттимæ æмгуыстады фæрстытыл. Ахуыртæ сарæзтой фæллой æмæ социалон рæзты министрады «Йе `нæниздзинад цудыд кæмæн у, уыцы адæмы реабилитацийы» программæйы фæлгæты. Инвалидтæн фæзындзæн ног лæггæдтæ.
Хуыйны «Сопровождение». Куыст агургæйæ сын æххуыс кæндзысты комитеты уæнгтæ. Уыдон сын хъуамæ сæ уаргъ фенцондæр кæной. Цавæр мадзæлттæй пайда кæндзысты æмæ куыд кусын хъæудзæн, уый та комитеты кусджытæ базондзысты сæрмагонд ахуырты.
