Кæронмæ æрхæццæ сывæллæтты сфæлдыстады республикон галуаны рацарæзт

Сывæллæтты сфæлдыстады галуаны рацарæзт кæронмæ æрхæццæ. Сергей Меняйло куыд фæнысан кодта, афтæмæй специалисттæ бакодтой стыр куыст. Архайдтой дыууæ къæпхæнæй æмæ сын бантыст кульурон нысаниуæг кæмæн ис, уыцы объект бахъахъхъæнын. Бæстыхай æмбæрзт у, хъарм æддæмæ чи нæ уадзы, ахæм æрмæгæй. Сæвæрдтой дзы ног рудзгуытæ алюминийæ, пъолтæ. Сног кодтой бæстыхайы раздæры хъæдын дуæрттæ дæр. Баивтой мидæггаг коммуникацитæ: хъармгæнæн системæ, вентиляци, электрон тыхы телтæ. Сцалцæг кодтой бæстыхаймæ бацæуæн, æппæт кабинеттæ, залтæ. Кафджыты къордты репетицигæнæн агъуыстыты пъолтыл фæзынд сæрмагонд уæлцъар. Нырыккон уавæрты сабитæ æмæ педагогтæн уыдзæн æнцондæр кусæн. Рацарæзты æртыккаг къпхæныл та бæстыхайы бындуры гидроизоляцийыл бакусдзысты, йе ‘ддаг бакаст ын саив кæндзысты. Сывæллæтты сфæлдыстады галуан кадджын уавæры байгом кæндзысты 1-æм июны сывæллæттæ хъахъхъæныны бон.