Кæсыс æм?!

Мæскуыйы ахицæн сты ихыл къахдзоныгътæй бырынæй ерыстæ «Ростелеком»-ы кубок рамбулыныл. Фигуристтæ дзы сæ дæсныйад æвдыстой иунæгæй æмæ къæйттæй, стæй ихыл кафынæй. Æхсызгон хабар уый у, æмæ дзы фесгуыхт не `мзæххон Шанаты Елизаветæ. Ахæм стыр ерыстæ йын фыццаг не сты. Братиславæйы, стæй та Ереваны йæ кафæг къай Дэвид Нарижныйимæ сæхи аккагæй равдыстой. Уæрæсейы спорсменты `хсæн дæр уæдæ сты раззагдæртæ сæ кары. Æмæ та мæнæ ног æнтыст – «Ростелеком»-ы кубок сæхи бакодтой. Ныр сын фадат уыдзæн Дунеон чемпионатмæ ацæуынæн. Дарддæр та, Хуыцауы цæст цы бауарза, уый.