Республикæйы хъармдæттæн рæстæджы райдианæй нырмæ газæй сыгъдхъæстæ фесты 24 адæймаджы. Ахæм фæстиуджытæ цæмæй ма ‘рцæуой, уый тыххæй хъæуы газы сæрмагонд гæрзтæн профилактикæ кӕнын. Уыимæ, техникон лæггæдты бадзырд бафыссын. Æрæджы Газпромы специалисттæ скодтой рейд.
Тургеневская уынджы кæцыдæр пайдагæнджытæн тæссаг у æрдзон газæй фæиппæрд уæвынæй. Фæлæ, хæсты аххосæй нæ. Хæдзары хицæуттæм нæй техникон лæггæдтæн сæрмагонд бардзырд. Æнæ уымæй та газæй пайда кæнæн нæй.
Æрмæст Дзæуджыхъæуы ис 126 мин пайдагæнæгæй фылдæр. Уыйдонæй 89-мæ ис техникон лæггæдтæн бардзырдтæ. Иннæтæм нырма нæй. Уымæ гæсгæ бардзырд бафыссыны фадат ис бынаты. Фæлæ уый хæдразмæ та — газы гæрзтæм æнæмæнг æркаст.
Ахæм рейдтæ аразынц афæдз иу хатт. Фæлæ æрмæст дæр кæд хæдзары хицæуттæм ис техникон лæггæдты бардзырдтæ. Уыцы домæнтæ бамбарæн ис. Уымæн æмæ, æнæ сæрмагонд бардзырдæй специалисттæн сæ бон нæу хъæуæ æркаст аразын. Æрдзон газæй раст пайда кæнын у ахсждиаг.
Зæгъын хъæуы, техникон лæггæдты ахсджиагдзинад бирæтæ кæй не ‘мбарынц. Бардзырд саразыныл та ныхас дæр нæ вæййы. Дзырд канд газы кусджыты домæнтыл нæ цæуы, фæлæ æдасдзинадыл. Газы ифтонггарзы аиппытæ ссарын сæ бон у æрмæст специалисттæн, сраст сæ кæнын æмæ афтæмæй аиуварс кæнын æнæнхъæлæджы цау.
Афтæмæй арæх свæййы фыдбылызы аххосаг. Статистикæйы бæрæггæнæнтæ дæр сты зæрдæхсаинаг. Æрмæст афæдзы райдианæй мидхъуыддæгты министрады бæрæггæнæнтæм гæсгæ республикæйы газæй сыгъдхъæстæ фесты 20 адæймаджы. Уыдонæй 3-йæ хъыгагæн амардысты. Специалисттæ ма цæрджыты зæрдыл иу хатт лæууын кæнынц, газыфтонгад кæй у тæссаг. Цæмæй хъуыддаг уæззау фæстиуджытæм ма расайа, уый тыххæй хъæуы афойнадыл бардзырд бафыссын. Уыимæ, æрвылаз кæнын техникæйы профилактикæ.
Марина Караева
