Мæскуы æмæ Уæрæсейы регионты специалисттæ æрдзырдтой инновацион гæнæтыл сæ куысты

Медицинæ æмæ бæрзонд технологитæ. Цæгат Ирыстоны медицинон академийы уыд егъау форум «Ортодонтия + ортопедия как искусство”, зæгъгæ. Наукон мадзал æрбангом кодта раззагдæр экспертты Мæскуы, Стъарапол æмæ Дзæуджыхъæуæй. Спикертæ сæ раныхасы фембæлды архайджыты базонгæ кодтой дохтырты куысты нырыккон гæнæнтимæ. Инновацион фæрæзтæ бацæттæ кодта мæскуыйаг егъау куыстуат. Кæд раздæр экспертон хъуыдыты фæдыл пациентты федералон клиникæтæм цæуын хъуыд, уæд ныр диагностикæ цæуы онлайн хуызы. Специалистты ныхæстæм гæсгæ, афтæмæй дзæбæхгæнæн рæстæг зынгæ фæцыбыр вæййы, низы хатт та раиртасынц бæлвырддæр. Лекцимæ байхъуыстой дохтыртæ æмæ студенттæ.