Мæскуыйы адæмыхæттыты хæдзары арæзт æрцыд ирон культурæйы бон

Мæскуыйы адæмыхæттыты хæдзар байгом кодта йæ дуæрттæ Ирон культурæйы бон. Уый у хорз фадат рæзгæ фæлтæрæн бæстæйы хъæздыг бынтæ базонынæн. Кадджын мадзалы фæлгæты æххæстбарджын минæвары хæстæ рæстæгмæ æххæстгæнæг Дзасохты Тамерлан балæвар кодта хæрзиуджытæ республикæйы сæргълæууæджы номæй. Мадзалы кæронбæттæн та æвдыст æрцыд концертон программæ. Бацæттæ йæ кодта режиссер, Цæгат Ирыстоны адæмон артист Карсанаты Олег, архайдтой дзы Кавказаг кафты мæскуыйаг ансамбль “Аллон”. Бæрæгбоны уазджытæн ма уыд дæсныйад æвдисæг ахуырты бацархайыны фадат дæр, сæ бон уыд доулийæ ацæгъдын. Интлекктуалон ирхæфсæн мадзæлттæ чи уарзы – уыдон та сæ хъару бавзæрстой ирон шашкæты æмæ стратегион хъазты. Кафты дунемæ абалц кæнын кæй фæнды, уыдоны бынаты ахуыр кодтой кафын. Курдиатджын фæсивæдæн та – сфæлдыстадон архайд, сæ бон уыд саразын зæрдылдарæн дзауматæ. Арæзт дзы æрцыд ирон адæмæн сæ фыдæлтæй цы хæзнатæ баззад, уый æвдисæг экспозици дæр – æрмдæсныйадæй зындгонд нывгæнджыты куыстыты онг.