Алыхуызон ирд ахорæнтæ, цымыдисаг хъуыдытæ гæххæттмæ рахæссын æмæ хи архайды хуыз равдисын. Национ наукон чиныгдоны байгом «Молодость Осетии», зæгъгæ, æрвылазон равдыст. Сфæлдыстадон фæз сæмбырд кодта Цæгат Ирыстоны курдиатджын адæмы 80 куысты.
Нывтæ конд сты алыхуызон жанрты: нывкæнынад, графикæ, аргъуаны аивад. Алы архайæгæн дæр фадат уыд йæ арæхстдзинад равдисынæн, фæлтæрддзинад райсын æмæ раззагдæр дæсныты амынддзинадтæ фехъусын. Равдыст цæудзæн æртæ къуырийы. Хуыздæр куыстыты автортæн ратдзысты нывгæнджыты Цæдисы дипломтæ.
