Ногиры культурæйы галуанæй музыкæйы бæсты нырма хъуысы техникæйы хъæр. Кусджытæ пырх кæнынц къултæ æмæ цар. Ногæй сæ сæрддзысты. Бæстыхайы кусы 4 бригады, 25 адæймаджы онг. Объект бындуронæй цалцæггæнинаг рагæй у.
Фыццæгæм уæладзыджы ис балæууæн, чысыл репетицион зал æмæ кабинеттæ. Сараздзысты дзы хи мæ зилæн уаттæ. Дыккаг уæладзыджы уыдзæн чиныгдон æмæ архив. Ныридæгæн куыстытæ сты сæ тæмæны. Хæстæгдæр рæстæг агъуыстытæ сæ хуыз скалдзысты.
Цалцæджы рæстæгмæ сфæлдыстадон къордты репетицитæ цæуынц скъолаты. Фыццæгæмы архайынц героикон зарджыты хор, адæмон театр “Амонд”, сывæллæтты театралон студи æмæ музыкалон ансамбль. Дыккæгæм скъолайы та — кафджыты къорд. Се ‘ппæт дæр уавæр æмбарынц, æхсызгонæй æнхъæлмæ кæсынц сæхи ног цалцæггонд бæстыхаймæ.
Объект цалцæг кæнынц национ проект “Культура”-мæ гæсгæ. Куыстытæ фæуынвæнд кæнынц 1-æм декабры онг. Ноггонд бæстыхайы фæзындзæн ног къордтæ дæр. Зæгъæм, аив кæфтытæ æмæ сфæлдыстадон кълæстæ.
