“Нæ хæстонты сгуыхт — æнæмæлгæ”. Горæтгæрон районы культурæйы галуаны сарæзтой патриотон мадзал. Сабиты фæндыд сæрмагонд æфсæддон операцийы архайджыты зæрдæтæ бахъæлдзæг кæнын, цæмæй сæ мидбылты бахудой. Бæрæгбонмæ ма æрбахуыдтой фонд “Фыдыбæстæ хъахъхъæнджытæ”, змæлд “Уæрæсейы мадæлтæ” æмæ Фыдыбæстæйы æфсæддонты бинонты комитеты минæвæртты.
Скъоладзаутæ æрбацыдысты Ирыхъæу, Октябрьскæ, Сунжæ æмæ Камбилеевкæйæ. Зарыдысты хæстон зарджытæ, бакастысты æфсæддонтæн тохы раззагдæр бынæттæм цы фыстæджытæ арвитынвæнд кæнынц, уыдон. Кæронбæттæны сæрмагонд æфсæддон операцийы архайджыты наййарджыты къухтæй æвзонг гражданинтæ сæ фыццаг паспорттæ райстой.
