Сенатортæ иууылдæр сразы сты Уæрæсейы Федерацийы æмæ Белоруссийы хсæн æдасдзинады гарантиты фæдыл бадзырды ратификациимæ. Документ бафыстой дыууæ бæстæйы президенттæ Минскы, фарон 6-æм декабры. Хъæппæрис разынд Александр Лукашенкомæ, йæ фарс рахæцыд Уæрæсейы лидер дæр.
Уый тыххæй пленарон æмбырды рæстæг фехъусын кодта Цæгат Ирыстонæй сенатор, хъахъхъæнынад æмæ æдасдзинады фæдыл комитеты уæнг Мамсыраты Таймураз. Фæнысан кодта, ахæм мадзал НАТО-йæн у æмбæлгæ дзуапп. Европæйы æдасдзинад фидардæр кæныны фæдыл уæрæсейаг хъæппæристыл ныхас кæнын кæй нæ разы кæнынц, уый фæдыл.
