Паддзахадон фиддонтæ, æгуыст адæмæн, апрель æмæ июны уыдзысты 12 130 сомы. Уый тыххæй хъæуы куыстдæттыны комитетмæ курдиат бадæттын. Ныхас цæуы 1-æм мартъийæ фæстæмæ, рæстæгмæ æгуыстæй чи баззад, уыдоныл.
Сæрмагонд бардзырд бафыста Уæрæсейы хицауады сæрдар Михаил Мишустин. Коронавирусы аххосæй рæстæгмæ æгуыстæй чи баззад æмæ сывæллæттæ кæм ис, уыцы бинонтæ райсдзысты фæйнæ 3 мин сомы алы сывæллонæн дæр. Социалон фиддонтæн федералон бюджетæй рахай кодтой 54 млрд сомæй фылдæр. Хицауады ног бардзырдмæ гæсгæ ма уæлæмхасæн фиддонтыл схардз кæндзысты 33 млрд æмæ 360 милуан сомы.
