Чысыл æмæ рæстæмбис амалхъомадæн æххуысы мадзæлттæ, уыимæ социалон фарстатæ. Дзæуджыхъæуы уыд хицауады радон æмбырд. Цæгат Ирыстонмæ æрбаласдзысты æртæ мобилон медицинон комплексы.
Чысыл æмæ рæстæмбис амалхъомадæн баххуыс кæнын у ахсджиаг фарста. Уый фæдыл республикæйы паддзахадон программæмæ бахастой ивддзинæдтæ. Бæлвырддæр та «Профессионалон дæсныйадæн хъалон» чи фиды, уыцы амалиуæггæнджытæн гранттæ дæттыны фæтк. Ног æууæлтæй спайдагæнæн уыдзæн бизнесы фыццаг къахдзæфтæ чи кæны уыдонæн, ног технологиты рæзтыл чи кусы, уыимæ хи куыстыл хæст адæмæн. Цæгат Ирыстон ма республикон гарантион фонды фæрæзтæ баххæст кæнынæн райсдзæн 236 милуаны. Уый руаджы кредитон фæрæзтæ экономикæйыл бафтдзæн.
Дзырдтой ма республикæйы цæрджытæн социалон æххуысыл. Бæлвырддæр та 8 азæй 17 азы онг кæуыл цæуы уыцы сывæллæттæн æрвылмæйон фиддонтыл. Сæрмагонд Указ мартъийы бафыста Владимир Путин. Рагионы хицауад уыцы мадзæлттæн уæлæмхасæн хуызы рахай кæндзæн 125 милуан сомы.
Æмбырды ма куыд рабæрæг афтæмæй республикæмæ æрбаласдзысты æртæ мобилон медицинон комплексы. Дыууæ дзы уыдзæн фелсырон-акушеронтæ, æртыккаг та стоматологон. Районты ныридæгæн кусы 10 ахæм комплексы. Се ‘нæниздзинад дзы сбæрæг кодтой 18 мин адæймаджы. Премьер Дзанайты Барис куыд фæбæлвырд кодта, афтæмæй фыццаг медицинон æххуыс бакæнынæн республикæйы арæзт цæуынц хъæугæ мадзæлттæ. Уыцы къабазы рæзтыл дарддæр дæр кусдзысты.
