Республикӕйы бюджеты ӕфтиӕгтӕ афӕдзы фыццаг кварталы рауадысты 12 млрд 570 млн сомы, хӕрдзтӕ — 292 млн къаддӕр. Иумӕйаг бæрцæй 70%, уый та у 8 млрд 490 млн сомы, арвыстой социалон-культурон къабазмӕ. Æххуысы мадзӕлттӕ ӕмӕ мыздæн. 10 национ проектæн рахицӕн кодтой 2 млрд 63 млн сомы. Хицауады уæнгтæ æркастысты 2025 азы бюджеты ӕххӕсткӕнынадмӕ дæр.
Ныхас цыд ахуырады фарстатыл дӕр. Скъолаты кабинеттӕ сифтонг кӕнынӕн рахицӕн кӕндзысты 33 млн сомӕй фылдӕр. Профилон министр Алыбегты Эллӕйы ныхӕстӕм гӕсгӕ регионалон проект “Все лучшее детям”-мӕ гӕсгӕ сифтонг кӕндзысты нывкæнынады, музыкӕ, физикӕйы, математикӕ, хими, биологи, информатикӕйы кабинеттӕ. Ноджы ма иу ахсджиаг темӕ — паддзахадон программӕ “Цӕгат Ирыстоны промышленносты райрӕзт”.
