Сергей Меняйло хæрзиуджытæй схорзæх кодта Республикон клиникон рынчындоны медицинон кусджыты. Ныхас цæуы, коронавирусы инфекциимæ чи тох кæны, уыцы специалисттыл. Президенты Указмæ гæсгæ ковиды ныхмæ мадзæлттæм стыр æвæрæн чи бахаста, уыдонæн саккаг кодтой Пироговы номыл ордентæ. Æдæппæтæй 8 адæймагæн.
Радтой ма сын кады гæххæттытæ æмæ бузныджы фыстæджытæ президенты номæй. Сергей Меняйло дæр дохтыртæн хицауады номæй арфæ ракодта, сæ профессионалон миниуджыты руаджы рынчынтæн кæй ӕххуыс кӕнынц, уый фæдыл.
