Фæлхасгæнджытæм цæстдарды управленийы специалисттæ Дзæуджыхъæуы радон хатт рацыдыдсты рейды. Бæрæг кæнынц базарадон центрты эпидемиолгон домæнтæ куыд æххæстгонд цæуынц, уый. Уæлдай æргом здахынц маскæтæ дарыны фæткмæ. Басгæрсты хатдзæгты тыххæй радзурдзæн нæ уацхæссæг Калоты Дзерассæ.
Бонсихор афон. Горæты базарадон центрыты адæмæй къух бакæнæн нæй. Фæлхасгæнджытæм цæстдарды управленийы специалисттæ, бынæттон администрацийы минæвæрттимæ иумæ радон хатт бæрæг кæнынц, санитарон-эпидемиологон домæнтæ куыд æххæстгонд цæуынц, уый. Æрбахизæны лæмбынæг кæсынц маскæтæ дарыны фæткæмæ.
Уæрæсейы фæлхасгæнджытæм цæстдарды управленийы кусджыты фенгæйæ уæйгæнджытæ маскæтæ акодтой.
Æхсæнадон бынæтты санитарон домæнтæм куыдфæндыйы цæстæй чи кæсы, уыдонæн æмбарын кæнынц æнæниздзинадæн куыд ахджиаг у масктæтæ дарын, уый.
Дарддæр бæрæггонд цæуы сæрылвынæн салон. Ацы бынаты лæггæдтæй пайдагæнджытæй сæ фылдæрыл маскæтæ нæй. Фæлхасгæнджытæм цæстдарды управленийы кусджыты рабæрæг кодтой фæткхæлдтытæ.
Рейды рæстæг администрацийы кусджытæ цы дукани фæивар кодтой, уый абон бабæрæг кодтой. Раздæр дзы цы фæткхæлдтытæ фæнысан кодтой, уыдон иуварсгонд æрцыдысты.
Æмбæлгæ фæткмæ гæсгæ кусынц æхсæнадон хæрæндæттæ дæр. Кæд боныгон ам бирæ адæм нæ вӕййы, уæддæр уæлдæф сыгъдæггæн гæрз кусы. Ӕххӕст дзы кӕнынц социалон дистанци.
Фæлхасгæнджытæм цæстдарды управленийы кусджытæ ахæм рейдтæ расидынц æрвылбон дæр. Специалисттæ цæрджытæм сидынц, цæмæй æппæт домæнтæ дæр æххæст кæной. Æрмæст афтæмæй ис хи коронавирусæй бахъахъхъæнӕн.
