Республикæйы менингитæй рынчынтæ нæй

Цæгат Ирыстоны менингит низ парахат нæу. Уый тыххæй фехъусын кодтой Уæрæсейы фæлхасгæнджытæм цæстдарды управленийы республикон хайады. Раздæр газет “Известия”-йы фехъусын кодтой, уыцы низæй фылдæр рынчынтæ кæй фæзынд. Сæрды æртæ мæймæ ахæм диагноз сæвæрдтой 500 пациентæй фылдæрæн. Специалистты хъуыдымæ гæсгæ, уыцы хъуыддаг, гæнæн ис, æмæ баст у, коронавирусы фæстæ адæмы иммунитет кæй фæцудыдта, уыимæ. Коронавирусимæ уавæр дæр нæ республикæйы у сабыр. Ивгъуыд къуыримæ ахæм рынчынтæ разынд 5. Ковид ныртæккæ нымайынц сезоны инфекцийыл, æмæ дзы фæззæджы рынчынтæ фылдæр кæй уыдзæн, уымæн дӕр гæнæн ис. Дзæуджыхъæуы гриппы вирустæй рынчынты нымæц у 7,5% къаддæр бирæ азты бæрæггæнæнтимæ абаргæйæ. Республикæйы та – 8,2%. Уæрæсейы фæлхасгæнджытæм цæстдарды управленийы республикон хайад адæмы зæрдыл лæууын кæны, гриппы профилактикæйæн вакцинанцийæ тынгдæр æххуыс кæй ницы у. Медицинон уагдæтты прививкæтæ кæнын ныридæгæн райдыдтой. Вакцинæтæ сты уæрæсейаг. Хуыйнынц – “Совигрипп” и “Ультрикс Квадри”. Кæнæн сæ ис куыд хистæртæн, афтæ сывæллæттæн дæр.