Амбрози фылдæрæй-фылдæр кæны. Россельхознадзоры специалисттæ кæсынц республикæйы фитосанитарон уавæрмæ. Æрмæст 3 мæймæ рабæрæг кодтой 27 ахæм бынаты, уыцы кæрдæг кæм ахæлиу. Æппæты фылдæр амбрози зайы Горæтгæрон æмæ Æрыдоны районты. Уыимæ специалисттæ рабæрæг кодтой амброзийы алы хуызтæ нæм кæй сбирæ сты.
Мониторингтæ, пъланмæ гæсгæ, кæнынц æрвылаз. Инспектортæ ацæуынц бынæттæм, æркæсынц хæмпæлгæрдæгмæ, райсынц дзы хуызӕгтӕ æмæ сæ арвитынц лабараторимæ. Уый фæстæ зæххы хайы хицауæн рафыссынц развæдзæхст. Ацы аз арвыстой 70 ахæм гæххæтæй фылдæр.
